小苗子 (已結業)

餐厅提供素食自助餐，收费因应唔同时段有唔同收费。建议帮趁前，打电话问下价钱。今次选择左下午茶时段帮趁，因为只系需要58蚊一位（留意：2018年9月价钱），好抵。要留意既系，下午茶时段食物选择会比较少，同埋餐厅坐位比较迫，唔适合聚会或一大班人黎食。杂菇炒意粉：以素食餐馆黎讲，意粉水平出色，系必试之一。素鸡咖哩：一般素鸡经烹调后，都会有油腻感，但依度既素鸡就无依种感觉。同埋咖喱汁入边有蕃薯、萝卜等蔬菜，食落唔会觉得济。各款沙律菜及车厘茄：餐厅提供新鲜新鲜蔬果，但沙律汁选择较少。