燒肉ONE

营业中

休息中

今日过嚟行铜锣湾Sogo，血拼完之后就紧系揾野食。行去世贸嘅时候就听到个职员好大声话下午茶半价食烧肉，就过去望一望，发现真系好抵，果啲套餐都有半价！果时未够2点半，个职员话可以入去坐住等，入面都好多枱，中间仲有张大枱，系一人一炉好方便，其他卡位就二人一炉。餐厅系用QR code落单唔收加一，餐厅好清晰选择又多，份量唔够仲可以加肉，全部都半价！枱上面劲多调味料，起码10支以上，自己随便拣一款中意嘅就得。。落完单好快有得食！猪肉+鸡肉嘅套餐套餐已经包括饭，沙律，肉嘅份量都好多，呢个set有猪五花，猪颈肉,鸡，以下午茶嚟讲真系又饱又抵食！ 牛牛套餐呢个有牛板腱，牛胸腹，牛舌，份量多到，牛舌都要分开上🤣真系平靓正！个网烧抽风好好，不停吸走啲烟，所以烧肉完都唔会有油烟味。仲有个网烧唔会痴住，好快就烧熟，沾上酱，好味🤤我地仲加左份牛小排，厚啲，肉质好嫩，入口有油脂，大口食肉好爽！海鲜三皇扇贝，大虎虾，甲罗烧。每次烧肉都会好想食甲罗烧所以点左一份拼盘试下。。大推！估唔到海鲜都咁好食。扇贝好大粒，烧一阵就熟㗎啦，鲜甜美味。。甲罗烧蟹膏劲大份一啲都唔咸，入面仲有蟹肉，加一啖饭落去食，超正！虎虾真系必食！