麵屋豚豚拍子 x 辛味屋 (已結業)

见今日落雨冇地方去，落去商埸行下，唔觉意见到呢间嘅下午茶好似几吸引，星期六都系平日咁嘅价钱，于是入去探下店。环顾四周都只系有三四台客，坐低后要扫QR code 自助落单，两个人叫咗一个黑豚拉面（轻盈）$48 及一个金菇牛肉卷定食$45。呢碗黑豚拉面（轻盈）确系份量较正常细碗，个汤系黑蒜油猪骨汤，味道都几好，叉烧就有少少柴，拉面都有韧度，唔错。呢个系金菇牛肉卷定食$45，有面豉汤、沙律同一碗白饭，碗面豉汤唔够味，粟米同沙律就好味，主角嘅金菇牛肉卷份量都唔少，个汁调较得好好味，呢个真系好抵食又好食！最后埋单连加一都只系$102，下次去再试其他食物。