翡翠拉麵小籠包 (已搬遷) 新店位置

人地话呢间小笼包好食。讲真，名过其实。四只 HKD36, 下午茶价钱都算贵，一只都要十蚊（计加一）.卖咁贵都应该有高期望，原来都系普通野。 皮又唔系薄，馅又唔系靓。 只包痴住块纸，夹一夹就串左，汁都漏晒出黎。馅肉咬落好散，冇肉感。可能搞得太烂，少少肉质纤维都搞断晒。成功夹到都算好，肉汁饱满，不过唔热，差点肉鲜味。 咁既价钱唔值得食，试都晒钱。五香牛肉面更败家，牛肉颜色血红。一系染色劲一系未整熟，睇落都唔想食。 份量都算可以，不过牛肉有够四五块都冇用，唔好食卖相劲失分。配饮品一杯。下午茶都加一服务，讲真，都几过份。贵价但食品质素平平，唔再食。