大叻越南牛肉粉餐廳 (已結業)

黎开依头唔知食乜好，又唔食西，又唔想食中，日本野又落哂场。咁就一于食越南野。黎过大角咀好多次，都冇发现到依间野。见食评都可以，咁就即管试试。依个扎肉鸡丝河都几好，汤底几甜，鸡都质地都可以，唔会散哂，鸡都有啲味。整体黎讲唔错。阿姐介绍话猪扒好正，出名。咁就叫黎试试。下午茶好鬼低食，三字尾四字头搞掂，份量十充，同午餐都无乜分别。猪扒唔系炸。唔会干争争，肉质够哂淋，阿婆无牙都食到，肉又多汁。几好食，系啲饭应该耐左，偏硬啲。依个值得推介。平靓正下午茶饱肚之选。