海皇粥店 (西菁街) (已結業)

星期六和朋友一齐出去食下午茶，元朗西菁街见到海皇粥，即刻好想食粥，就入去帮衬下佢；入到去坐位都好阔落，坐得好舒服，我见到佢嘅下午茶，真系都好抵食！噤就叫咗个炸肠和蒸萝卜糕套餐下午茶，再加个双拼生滚粥套餐！话咁快个套餐就嚟到喇，可惜炸肠入面包住嘅油炸鬼明显唔脆，肠粉还可以；蒸萝卜糕就比较硬咗啲，可能用嚟煎比较合适；而生滚粥就做得唔错，猪润算淋滑，牛肉算爽口，粥底都算绵，有水准！而跟生滚粥嘅油炸鬼，虽然得半条但都好脆；而下午茶套餐重有热饮品跟餐，性价比高！整体来说，下午茶餐比较抵食，但质素一般；至于生滚粥就唔错，但不属于下午茶，所以价钱比较高一些！