敏華冰廳

营业中

休息中

大年初三好多餐厅都有开去咗又一城附近拜年，拜完年之后就喺敏华去食下午茶， 人流超多，但啲服务员态度都好好。我除咗叫咗两set之外，仲另外点咗两只蛋白挞同埋两只鸡批拎走。下午茶：葱油鸡扒捞公仔面 $50佢鸡扒虽然细细块，但系好嫩滑，一啲都唔干，不过葱油份量有啲少，所以唔够葱油味，唔系好捞得哂d 公仔面。特餐：沙茶牛肉公仔面配煎蛋肠仔佢嘅沙茶酱好香，如果钟意花生酱应该好钟意，可惜牛肉份量唔多。另外跟咗两条肠仔唔系厨师肠，系果d德国肠，感觉性价比几高。而两只煎蛋的蛋黄系橙黄色，切开嘅时候流心的，好香蛋味。蛋白挞 $21/2pcs鸡批 $21/2pcs蛋白挞&鸡批味道都ok, 酥皮好香，不过蛋白挞有啲甜，奶味好重，似食奶挞多个蛋白挞。而鸡批就好唔错，馅料好满，皮好薄，整体嚟讲真心几唔错。不过新春期间要加一，平时下午茶就冇加一，所以平时嚟食会抵啲。