影片
更多
2010-09-04
35 浏览
上星期某天师傅难得早左放监, 趁住早早地决定四围行下啦, 由于好耐冇黎过呢区, 所以就黎左呢头行下! 过到黎未开始行街, 个肚率先发出警号, 就系咁师傅决定先医肚后逛街, 但食咩好呢? 边行边揾再边谂, 最后见到呢间食店, 加上从来都冇食过就决定入去试一试!入到食店地方唔算大, 人亦唔多, 可能由于时间早啦, 师傅就求其揾个位坐底后, 即刻睇下有咩好食先, 呢间食店打正旗号食车仔面, 可惜师傅略嫌份量太多, 嫌多皆因师傅晚一些还有饭局, 所以呢一刻决定食少少野, 顶顶肚罢了; 谂左一阵最后师傅柯打左一碗碗仔翅, 一串咖哩鱼蛋同埋一串牛柏叶, 再加一罐汽水!话咁快就有得食, 先讲下碗仔翅, 碗仔翅都算几大碗, 不过汤底比较杰, 肉丝亦甚多亦甚干身, 入口感觉较鞋, 味道唔算特别好, 加上菜圃比较硬, 虽然有辣味但令成碗个感觉仲差左, 师傅就唔多识欣赏, 所以食左唔够一半就冇再食了; 一串咖哩鱼蛋就有七粒, 咖哩汁真的十分香辣, 汁底十分吸引, 而鱼蛋亦几爽口, 入口唔粉, 算唔错; 至于牛柏叶亦系十分爽口, 韧都唔韧, 再配埋咖哩汁真系唔错, 讲真师傅真系几欣赏佢个汁底呀!总括黎讲食物水
入到食店地方唔算大, 人亦唔多, 可能由于时间早啦, 师傅就求其揾个位坐底后, 即刻睇下有咩好食先, 呢间食店打正旗号食车仔面, 可惜师傅略嫌份量太多, 嫌多皆因师傅晚一些还有饭局, 所以呢一刻决定食少少野, 顶顶肚罢了; 谂左一阵最后师傅柯打左一碗碗仔翅, 一串咖哩鱼蛋同埋一串牛柏叶, 再加一罐汽水!
话咁快就有得食, 先讲下碗仔翅, 碗仔翅都算几大碗, 不过汤底比较杰, 肉丝亦甚多亦甚干身, 入口感觉较鞋, 味道唔算特别好, 加上菜圃比较硬, 虽然有辣味但令成碗个感觉仲差左, 师傅就唔多识欣赏, 所以食左唔够一半就冇再食了; 一串咖哩鱼蛋就有七粒, 咖哩汁真的十分香辣, 汁底十分吸引, 而鱼蛋亦几爽口, 入口唔粉, 算唔错; 至于牛柏叶亦系十分爽口, 韧都唔韧, 再配埋咖哩汁真系唔错, 讲真师傅真系几欣赏佢个汁底呀!
总括黎讲食物水准尚可, 服务都几有礼, 环境一般, 价钱都相宜, 如果师傅冇记错十二蚊一碗碗仔翅, 鱼蛋同牛柏叶就各亦蚊, 汽水亦系好似六蚊, 埋单三十蚊, 都接受到啦! 呢个下午茶小吃其实都唔小, 不过系要咁上下份量师傅先会唔肚饿; 纵使师傅觉得碗碗仔翅唔得, 但仍深信会再黎多次, 皆因真系好想试下呢间食店个车仔面, 笑脸比唔到住, 但至少还会黎多一次!
张贴
