威記美食 (保和大廈) (已結業)

Lunch唔太肚饿，买小食算，经过威记美食，正合我意，仲要系黄店，必支持下。14:00多去到﹐冇乜人，小小的外卖店，但食物有好多选择果下劲！街头小食、饭餐、车仔面、炸物...好多野食呢。见好耐冇食煎酿三宝，即拣，仲要埋炸烧卖。可即场立食，不过都系外卖返去食舒服点。煎酿三宝$＄15/6件，要了茄子、红肠、青椒、鱼蛋、豆腐及炸云吞，热腾腾，卖相较皱皮应该系有翻炸同炸太耐唔够金黄，食落太油腻，鲮鱼肉少薄薄一层，少少弹牙而鱼味唔突出，炸云吞尚算脆口，味道一般。炸烧卖，＄12/7，口感脆，少许惹味。食物水准普通，但几抵食，支持小店。