龍皇酒家 (開源道) (已結業)

今日晏咗起身，谂住揾个地方下午茶。奶奶提议去呢度，话试过食晏昼，食品水准好。咁我哋就一行四人去到，餐厅安排非常之好，虽然下午茶两点开始，但系1:55已经安排入座。侍应亦都已经提早准备好一切，低几分钟就已经有茶。两点开始落单之后，食物一步步咁出，唔会太急赶，食物都会好热。龙王食物质素有所保证，点心都系高水准嘅。最需要嘅就系为店舖嘅职员平反，我哋坐喺一间房仔咁嘅地方，房入边有五张枱，都系一位侍应安排，虽然好忙碌，但系侍应通常都会喺好短时间回应你，服务态度亦都亲切有礼。我哋个侍应叫Sandy。侍应亦都好细心，通常落虾饺烧卖嘅时候都会问你要唔要辣椒油。总括而言，食物OK，服务一流。