Minh & Kok (已結業)

呢间嘢lunch set其实都唔系平，加一之后计返条数都超过100蚊一个餐。但系下午茶我觉得就ok嘅，大约六十蚊一个餐左右，包一个main course，一杯嘢饮，一份小食，真系算系咁。味道方面，我觉得又真系几好食㗎㖞。 我通常都食喇沙，然后小食就嗌个沙嗲串烧。个喇沙啲汤好浓，好厚，闻落去好香，真系好好食。沙嗲串烧一样，都系闻落去好香，食落去味好浓，不过就觉得干咗少少，所以个小食就普普通通。唔会特登去食，不过如果经过嘅话，会返转头。