美滿餐廳 (已結業)

一家人去左屋企附近既呢间茶餐厅食下午茶，环境方面都叫做几干净，坐得几舒服。侍应既态度唔错，几有礼貌，野食都黎得好快。我地叫左三个下午茶餐，埋单九十几蚊。第一个系猪排脆脆猪，猪排几香，味道其实都唔错既，但系咬落去有啲太硬。另外，旧包都系有少少硬，唔系太脆，好似有啲摊凉左咁，所以连埋猪排一齐食个阵就要咬好耐先食到，如果猪排可以热番啲，有番’新鲜出炉’既感觉会更好!第二个就系肠仔蛋公仔面，由于张相系食到一半先影既，所以睇落啲面好似好涨咁，不过其实味道几好，当然唔可以话系好出色既。个汤味道唔会太浓，而且份量适中，我觉得唔错。最后就系鸡翼杂果沙律，份量方面几适中，尤其系近排好多餐厅既沙律份量都系得好少，加上唔会太饱。两只鸡翼都煎得几脆，不过个人认为有啲咸，但系三个餐入面我觉得呢个鸡翼杂果沙律最好食。