福晉薈

营业中

休息中

放大假同屋企人饮午茶，已经饮到有啲腻。谂住出新蒲岗行吓开仓，顺便饮餐茶就拣咗呢一间。屋企人话平时呢间唔使点等位，但系唔知点解平日突然咁多人。后来坐低嘅时候听侍应讲，中小点都系$20 （牛仔骨除外）。咁又真系好鬼吸引㖞。见佢啲点心都几特别，所以无叫炒粉饭面。蛋煎糯米鸡～份量虽然少，但系表面煎得几干身，馅料唔多，但系个口咁啱啱好。墨鱼胶煎尖椒～青色青椒够辣，用上墨鱼胶都相当弹牙。炸奶～睇得出同埋食得出都系用新鲜油渣，冻奶馅料唔算太甜做得几好。麻婆豆腐饺～相当经验，麻香十足，辣度近中，钟意食麻辣嘅人一定要试。凤梨酥～雀仔嘅外貌，觉得脆脆的，上菜嘅时候仲系热辣辣，馅料饱满又带有果肉，呢个值得encore。紫贝天葵椰汁榚～紫贝天葵相当清甜，同椰汁原来几配。建议先食紫贝天葵部份试一试佢个清甜度，先再混合一齐食。子姜牛肉，牛肉煎饱，同个鸡批唔系唔好食，但系就唔够其他几款咁突出。表现比较差嘅反而系个菜苗饺较淡，同埋个鱿鱼须鱿鱼个鱿鱼须系完全冇味㗎。同埋比较。比较孤寒少少就系个虾饺馅较碎，鲍鱼鸡粥将唯一一只丁屎咁细嘅鲍鱼仲要切开一半，简直系骨肉分离。不过其他嘢都好好食，呢间酒楼超级推介。