千樂燒味餐室 (已結業)

今日同朋友去铜锣湾行街，行到攰就开始揾嘢食啦，揾到呢间烧味店，其实都唔近，要行十分钟先到。准确嚟讲系湾仔同铜锣湾嘅中间，不过都算易揾嘅。我地嚟到就拣嘢食啦，我就一眼相中咗熏蹄，因为我系无食过熏蹄嘅，摆落口先知原来系冷盘。老板娘都好亲切，除咗比咗白醋我，仲问我需唔需要卤水汁，我发觉点卤水汁系好味啲嘅。朋友都试咗我嘅熏蹄，话整得几好，无骚味，猪毛都去得几干净。我食落都觉得几好味，肉质软淋，皮同肥肉嘅味好爽弹，完全无肥腻感。我就比较中意浸落啲米粉到食啦。环境都几舒服架，比普通茶餐厅更加干净整齐，服务都几友善。