匯城 (已結業)

呢排每个星期六下昼都会去长沙湾广场教会嘅团契聚会，完咗之后我哋一班人都会去附近食嘢。连续两个礼拜我哋都去咗汇城。呢度个老板好好人，每次就算我哋无book位都会留起一排位比我哋。呢度啲嘢食价钱唔算贵，最神奇嘅就系下午茶餐可以食到夜晚8点。好耐冇食过炒公仔面，所以叫咗个五香肉丁炒公仔面，仲叫多咗个炸鸡比同朋友一齐share，其它人见到都话好邪恶！碟五香肉丁炒公仔面等咗大概10分钟就到，炒功方面ok 啦，几够镬气，同埋无炒㶶。但系个面好似烚得唔系好够时间，未完全发开晒，有机条痴埋咗一齐，同埋有啲硬，中意食有口感嘅可能啱食，我自己钟意食偏腍少少。配料方主要有肉丁，洋葱同青葱，肉丁份量ok，但系唔系好够五香果只未，即系罐头里面红色果只汁，如果你都系五香肉丁爱好者一定知道我讲紧边只味，同埋肉方面比较瘦，肥返少少比较好，感觉无咁干。炸鸡髀差唔多等咗20分钟先上，即系好大机会系生炸。望落去个样唔错，炸到金黄色。切落去好多肉汁流哂出嚟，肉质放面唔干，而且鲜嫩Juicy。调味方面主要有盐，同少量沙姜粉，只系嫌佢咸咗少少，如果可以放少啲啲，真系啲啲盐就真系正。鸡肉嘅肉味唔算好突出，但就无咩雪味，可能调味方面