Bold Italic (已結業)

Bold Italic 用就用得多，帮衬都系第一次（烂 gag 中😝😝）。早几日去咗食 tea，本来想 order 秘制牛腩蕃茄酸辣汤意大利粉，waitress 姐姐话牛腩卖哂，介唔介意转西冷牛扒，我梗系唔介意啦😍。食物一上枱，我真系由个心度笑咗出嚟：啲牛扒唔单止分量远比我想像中多，质素仲唔差，有牛味，有油脂，绝对冇将价就货。除咗牛扒，个汤底亦都值得一赞：蕃茄，胡椒同鸡汤味都好香浓，对面位本来唔钟意食汤意粉，但都觉得个汤底好味；我呢，就梗系连汤都饮到一滴不剩啦😋。临走时，忍唔住同 waitress 姐姐讲话个汤好好味，佢叫我得闲再嚟帮衬，我心谂：唔知下次会唔会又卖哂啲牛腩呢🤭🤭。