榕記車仔麵 (已結業)

今日专登走过去试呢间开左短短时间而又未曾入去食既榕记车仔面。话说佢开正喺娘家楼下，闲来无事行过路过都会望下入去，但基于每资翻完娘家食饭都系太饱，所以一直无机会试，好勒。今日专登去试下呢间标榜有养生汤底，新鲜制造，无味精既车仔面先。我同奶奶两个分别点左白果胡椒猪肚汤底既鱼肉春卷酸斋生菜米线同埋猪骨汤底墨丸大肠猪红冬菇油面！首先赞一赞分开上既酸斋。酸而不涩冻冻地分开上又几好味！跟住有手指公既墨丸咬落去又唔算弹牙。墨鱼味都一般，又无想像中好食，俾只指公呃呃地。猪大肠林而入味，洗得都几干净而且剪得粗厚适中，都几好！冬菇都够林同够入味，而且好大只。猪红呢食落去就似鸡红。。白果猪肚我奶奶食到赞不绝口，觉得够辣又唔难入口，食完好舒服(咁啱呢几日冻)整体嚟讲喺将军澳食到呢个质素既车仔面都已经好好，虽然面底少左啲，应该得二両唔够，女人食就刚刚好既！男人就争少少勒。但养生汤底呢下有心又做得好味真系抵嚟食！价钱亦算公道，两碗下午茶加埋99蚊仲送豆浆，唔平但亦不贵，比起你去大家乐两个食70蚊有益得多。