影片
更多
2022-05-02
1110 浏览
间中会去官塘行，顺便睇下见惯见熟嘅景物，因为唔知几时会拆晒。周围行下，唔经唔觉已经下昼两点。见呢间餐厅下午茶有好多选择，就入嚟试下。睇餐牌后发现其实好多食物系全日/早上十一点后供应，而且午餐亦供应至三点。叫咗香茅猪扒麻辣米线(中辣)配冻柠茶少甜，$34。汤底唔系麻辣，只系喺碗米绿上有大概一茶匙麻辣酱。猪扒系炸嘅，切件上，有3件，大概系平时食嘅半块左右大细。其中一片好干，好难先咬得开。另外𠮶两件可能系浸住喺汤度、较迟先食，所以又唔觉得好干，味道ok。米线又系下午茶嘅份量，如果当正餐食可能就唔多够。冻柠茶就茶味偏淡，但餐厅真系做倒少甜，难得。当日有另一食客反映猪扒包烘得太耐，干到咬唔倒，要求更换。食客话自己经常帮衬，之前质素好稳定，今日就。。。所以我相信我𠮶件炸猪扒应该都系一时失准啫，$34有饮品，而且餐厅喺大街上，系绝对收货嘅。
周围行下，唔经唔觉已经下昼两点。见呢间餐厅下午茶有好多选择，就入嚟试下。睇餐牌后发现其实好多食物系全日/早上十一点后供应，而且午餐亦供应至三点。
叫咗香茅猪扒麻辣米线(中辣)配冻柠茶少甜，$34。汤底唔系麻辣，只系喺碗米绿上有大概一茶匙麻辣酱。
猪扒系炸嘅，切件上，有3件，大概系平时食嘅半块左右大细。其中一片好干，好难先咬得开。另外𠮶两件可能系浸住喺汤度、较迟先食，所以又唔觉得好干，味道ok。
米线又系下午茶嘅份量，如果当正餐食可能就唔多够。冻柠茶就茶味偏淡，但餐厅真系做倒少甜，难得。
当日有另一食客反映猪扒包烘得太耐，干到咬唔倒，要求更换。食客话自己经常帮衬，之前质素好稳定，今日就。。。所以我相信我𠮶件炸猪扒应该都系一时失准啫，$34有饮品，而且餐厅喺大街上，系绝对收货嘅。
张贴
