泰國人海南雞 (杏花新城)

营业中

休息中

杏花商场嘅食店黎黎去去都系𠮶啲，依间餐厅平时黎讲唔算多人，就算系疫情之前都唔会坐满。近排嘅情况就更加少啦，不过我觉得佢啲下午茶都算平，又唔洗加一，全部餐都系$40-45左右，所以间唔中都会拣黎依度食。我今次叫左海南鸡饭，个餐送一罐汽水，如果转其他野饮就要再加钱。海南鸡正正常常都算滑，不过我觉得要点埋酱先够惹味(而且啲酱唔会辣，唔食辣嘅人都岩)，油饭食落香口，粒粒分明，同埋佢啲饭都颇多，好似午餐分量咁，个餐仲会附埋碗汤，食完之后好饱。依个价钱有咁嘅分量我觉得真系几抵食，所以我通常黎依度都会食下午茶唔食lunch set。不过唯一有样野系黎过几次，都遇到侍应落错单嘅情况，所以点完餐之后记得要check下佢俾𠮶张单。