馬德里餐廳 (已結業)

今日去左荔枝角做嘢，过左午饭时间先落到去食嘢，但系呢一带有九成以上的食店都系茶餐厅，真系好闷……行左一阵见到呢间马德里，睇装修摆设应该唔系一般的茶餐厅，咁我哋三个人就坐底左，虽然系下午茶时段但系都全场爆满，利害！利害！睇黎啲出品应该几好食我哋叫左三个都系下午茶餐，吉列猪扒蕃茄酱意粉、猪颈肉炒螺丝粉同埋会沙嗲鸡扒面。个吉列猪扒炸得啱啱好，咬落个猪扒度重有啲肉汁流出黎，意粉同蕃茄酱配合必定冇问题，重点系个酱好够蕃茄味，一啲都唔马虎。猪颈肉炒螺丝粉就一般般，个汁唔够味之余啲猪颈肉只得几片，啲螺丝粉就炒得ok 但都系食唔哂，事关真系麻麻哋 好彩个会沙嗲鸡扒面有番啲惊喜，啲面系炸脆左的生面再响上面加上沙嗲汁同埋鸡扒，呢个就极之好味，似咁嘅价钱食到呢个会沙嗲鸡扒面就真系超值。其实佢下午茶都有成20-30个选择，真系从来未去过有咁多 choice 的餐厅，不过就唔系个个都得，我估都系拣啲个名正常啲的食物会好味啲。下次都会再试过第二啲餐。