L'attitude (已結業)

谂住带两个姨甥去茶餐厅食下午茶，点知俾佢哋见到依间食肆开张左，跟住就拉左我入去食嘢。谂住叫下午茶，但侍应生话冇TEA SET，唯有照ORDER，以下午茶角度，价钱相当贵。我叫咗个德州烧烤牛肉汉堡、CAFFE LATTE同TOKKI HONEY TOAST。唔知系咪开张头几日，等咗20分钟都未有野食，跟住要催催个侍应生， 因为啲细路系度狂催我 。德州烧烤牛肉汉堡份量几大，里面有牛肉汉堡扒、蕃茄、芝士，烟肉、生菜等。味道唔错，材料新鲜。咖啡味道可以，有咖啡味但不太浓，奶滑。TOKKI HONEY TOAST系一个立体方形盒多士装住个雪糕，而里面另有几条多士条，对两个细路嚟讲，有雪糕食咩都叫好味。佢哋对我都好好，俾我食一条多士咁大把，多士条连雪糕一齐放入口时，𠮶种又冻又暖又脆口嘅感觉好正。唯一不足之处系我哋坐系洗手间附近，𠮶枱嘅位好焗，我只好要求侍应生调大冷气，冇几耐，隔离枱嘅老人家又觉得好冻，我哋唯有快快食完走人。