茶A (已結業)

呢间餐厅之前嚟过食早餐、午餐、晚餐，但今次同屋企人就第一次食下午茶，下午茶就由两点开始到晚上六点。我地拣咗4个Tea Set，送热饮，冻饮+$3✨焗芝士肉酱意粉 $46虽然系下午茶餐，但唔系迷你版，份量同平时食开嘅正常set差唔多，芝士肉酱香浓得嚟又唔会过咸，又唔会过干味道唔错。✨芫茜皮蛋鲜鱼汤猪润牛肉米线 $52配料都几多好大碗，仲好多芫荽。先试一啖鱼汤，有香浓嘅鱼味，猪膶食落系爽口唔粉，系我钟意嘅口感，牛肉好软腍，最尾连汤都饮埋。✨公司三文治 $52有餐肉、火腿、蛋、蕃茄、生菜、芝士同千岛酱，三文治有烘过好香牛油味，一口咬入充满层次感，呢个值得推介。✨瑞士鸡翼 $45有5只鸡翼，都几入味。呢度嘅下午茶餐都几大份，如果唔想中午同人迫，可以晏少少两点嚟食个下午茶会抵食啲。