上海姥姥

营业中

休息中

星期日下午三点半到，唔需要等位，我哋两大一细，被安排坐 半边梳化位，店家大约有 四成座位有人坐，生意一般。用qr code点餐 ，茶芥8蚊位，我哋见有茶餐，嗌咗一个 厚切排骨手制 拉面 餐，餐 配小食同埋饮品， 我哋拣咗 陈醋小云耳+冻酸梅汤 ，唔使加钱 仲有几样冷热饮品选择。 另外跟餐可以加钱嗌其他小食 ，我哋就试咗 麻辣 口水鸡 加29蚊，脆皮豆沙包加9蚊。 单叫咗小笼包 43蚊 ，埋单 总共198.9。食物整体质素都ok，炸猪扒都大块，有少少油腻， 连骨嘅猪扒 有啲难handle， 另外麻辣口水鸡几惹味同埋啲鸡好滑，另外炸脆皮豆沙包just so so ， 大约四分一手板咁细， 有啲油腻 ，酸梅汤就劲甜，要无糖豆浆 会健康啲， 小笼包正常 发挥 ，有肉汁，块皮 几薄 不错。呢间食肆性价比都ok， 有机会下次再嚟。