都會坊餐廳

营业中

休息中

两点几同朋友喺旺角揾嘢食，本来谂住揾返以前食过嘅一间米线，点知冇咗嘅？明明记得喺呢度…咁见到呢间餐厅睇落都唔差，我哋只系想坐得舒服啲，唔钟意坐硬嘅櫈。有软座嘅卡位坐，一人叫咗一个下午茶餐。我呢个系炸菜肉丝煎蛋汤米粉。估唔到又几好味㖞！个汤唔系普通食米粉𠮶种，有啲似鱼汤？总之好好味，我成碗饮哂咁滞！唔怪之得写明汤米粉啦！𩠌都唔错，系肉丝唔知点解要整到有啲辣！黑椒果种。唔系咁喜欢。朋友果个佢都话几好。服务方面亦都唔错，有礼貌亦主动帮人，即系我想去洗手间，侍应见我行出嚟都主动地指俾我睇，善意兼且面带笑容。