鳴越越式料理

营业中

休息中

今日收工经过中环，午餐无胃口食得少，放工就好肚饿。上网揾下附近有咩餐厅可以食个tea，结果揾到一间越南餐厅。坐落中环，价钱竟然咁抵食。我叫左越式生牛肉汤河，加钱叫小食，叫左虾饼。汤底牛骨汤好清甜，唔会饮到好口渴，无咩味精。汤底无泛油，生牛肉薄切，粉嫩色牛肉入口好香嫩，唔会有渣，牛肉无臊味。河粉爽口唔会太碎，味道唔差啊。虾饼即叫即炸，虾肉弹牙唔油腻，炸粉唔厚，入口好香口。下次去到餐厅可以试下其他套餐。