沙嗲王 (眾安街) (已結業)

我都有成差不多2、3年无食沙爹王，今日行开荃湾谂住回味一下！7点约咗朋友食晚，所以唔食咁饱，同老公点了2个下午茶，咖哩汁粉丝并即烧黑椒鸡扒，另一款系明太子酿无骨鸡翼配薯条！先讲咖哩汁，热、香浓咖哩汁、唔辣，食晒成碗粉丝都唔觉腻！不过我个人觉得咖哩汁配饭应该夹啲！鸡扒唔觉即烧，热，不过颇多油，无黑椒味！另一款明太子酿无骨鸡翼，一般，唔油腻！挂住食唔记得影相！但配的薯条就走晒样，成阵油益味！餐饮2杯热柠水，饮落苦苦地，而且仲成阵烂柠檬味！饮咗2啖无饮了！总结今次嚟有少少失望！