周記點心

营业中

休息中

下午茶时段，经过见竟然唔洗等位，就梗系入去试下朋友介绍咗好耐嘅餐厅啦。必点嘅系芝麻虾多士同埋奶黄流沙西多士芝麻虾多士:底部系一块多士，中间夹住层虾胶，面布满芝麻。多士炸到好脆，一啲油嘅感觉都无，如果块多士再厚多少少，我觉得会仲好食XD。虾胶好足料，好似有成尺厚咁，啖啖虾肉，好有咬口。反而我唔太钟意芝麻，觉得有少少吸油，食完觉得油同溢嘅感觉。奶黄流沙西多士，见到个样已经劲吸睛。多士炸到金黄色，中间突起，都估计到收埋咗好多奶黄系入面，切落去，爆奶黄，劲流沙。味道好香嘅蛋黄同奶黄味，咸咸地，同传统嘅西多士好大分别，好食还好食，不过我都系钟意传统糖浆西多士多啲。但都值得一试。2个人食，有啲溜。鸳鸯烧卖(黑松露/蟹籽):劲足料，好扎实，啖啖肉。面头有少少黑松露，食落口都好有黑松露香。陈皮牛肉球:无咩特别惊喜，陈皮味唔觉有。马拉糕:有少少黑糖味，但唔会太甜，10蚊我觉得算抵食。2个人，叫咗5样野食，食完好饱。整体黎讲野食好食，值得一试。