譽居

营业中

休息中

同屋企人2点几去青衣城改裤，话4点先拎得，家姐话饿饿地，跟住就去左誉居High个tea先。下午茶食过下口瘾就唔叫咁多，四个大人一个小朋友嗌左个蟹粥，细蓉，虾子面同个手撕鸡冷盘Only 细蓉我无食到，但见到每粒云吞似乎包左都两只虾，汤底清清地几好饮。虾子捞面$22呢个做紧优惠，所以咁平。幼面滚熟之后再系上面洒上幼细既虾子粉同葱花，再跟一碗清汤。简单平淡，但都有其魅力之处。凉拌手撕鸡同想像中有出入，呢款手撕鸡落左西芹､白芝麻，味道偏甜，唔开胃，食左一两条就唔想食。蟹粥全场焦点，上次食果阵卖晒有少少可惜，今次终于食到。落足成只蟹去煲，只蟹仲要有蟹糕，超正，粥够细绵，够入味，难怪成日比人买晒