茶廳 (已結業)

今日去左青衣城睇戏，未睇之前又少少口痕，睇下又有咩食。行左2期呢边都几多餐厅，见到间叫「茶厅」，又试试喇。睇落间茶厅又几干净，坐得都舒服，行入啲啲嘅位又可以望下街，都唔错。呢到叫「茶厅」，当然食香港地道下午茶喇。多士，常餐，炸鸡腿咩都有。价钱都是$26起包杯野饮，都算几抵。因为唔系太肚饿，只是叫左个果占多士配左杯热菜蜜。果占多士都几脆口，不过可能冷气太冻，个多士放入口都冻哂。果占就无咩特别，都是一般街食嘅一样，分量都几多。热菜蜜就真系好热，几香菜蜜味，少少清甜。