台北巷弄 (已結業)

香港有好多间台湾芋圆店，真系好想试晒咁多间，但好难做到。今次黎到将军澳试下依间餐厅，不过依家疫情太严重，只好买返屋企食，但都可以享受美食。之前去台湾旅行都好钟意行夜市，每次都会拣盐酥鸡，今次有少少挂住盐酥鸡，所以就拣左。依间嘅盐酥鸡系细细旧，大小都差唔多，份量都好多，成碗都系盐酥鸡。佢嘅鸡有腌制过，咸咸地同时几香脆。不过唯一美中不足系淋左少少，但都好好食。仙草1号嘅材料有仙草冻、椰果同手工芋圆，佢仲有个花奶可以加落去，加左花奶会更加好食。仙草冻非常滑，食落唔会好水。手工芋圆有蕃薯圆、芋头圆同紫薯圆，都算几大粒，佢地比较硬身，唔钟意软身嘅人会好钟意。红豆2号嘅材料有红豆汤、绿豆、仙草冻同手工芋圆。依个都系平时多数拣嘅组合，因为平时都好钟意食煮到淋晒嘅红豆、绿豆，豆沙感好正，冇牙都食到。