鳴門魚市場居酒屋 (已結業)

返完工，约左朋友食个tea，开个围炉大会，近近地简左呢间日本野。咁啱下午茶时段，埋单有八折都算几抵。 叫左个猪软骨乌冬，汤底鲜甜，乌冬弹牙爽口，猪软骨甜甜地好入味，又唔会un, 软骨位都可以食埋。另外跟餐仲有三件寿司（三文鱼，虾，蟹柳），寿司就稍为弱。寿司饭底握得唔够实，夹著有机会散开，鱼生就唔够鲜。餐厅装潢不错，店内都会播啲轻快嘅歌，能够让食客放松心情。不过上菜速度就可以再改善一下，朋友嘅鱼生饭竟然比我嘅汤乌冬更迟上餐。但总括味道是可以的，会再帮衬。