金牌麵家 (已結業)

4月6日, 朝早喺将军澳拜完山, 本身行咗去Popcorn潮下圣, 点知周围餐厅都人头涌涌, 唯有行远d喺附近闲逛~ 时值下午茶, 个口又开始痕, 于是就喺个商场foodcourt求其揾d野食下~::: 肠粉 ::: $6肠粉唔够热, 质地烟韧但唔够滑, 当然唔可以同合益泰𠮶d神级滑滑肠粉比啦! 不过呢度都有个自助酱料站, 可以满足下我地嘅混酱瘾~ 不过混还混, d甜酱豉油都ok, 麻酱就好稀… 味道一般般~::: 炸春卷 ::: $10估唔到有5条咁多, 虽然都只系𠮶d急冻货, 但系即叫即炸, 热辣辣咁, 都起码唔系炸定摆喺度, 外皮既热亦都好够脆, 里面𠮶d料就只系萝卜丝冬菇丝, 好似冇乜肉.其实呢个foodcourt都几多唔同野食, 泰越西中都有唔少选择~ 如果唔系喺下午茶呢d唔上唔落时间揾食, 而呢道又有d肠粉春卷等街头小食的话基本上唔会轮到要食佢…