德美壽司

营业中

休息中

今次系第三次黎德美寿司，前两次正正常常，但今次食到一肚气！我和朋友分别点了寿司餐和什锦海鲜丼。朋友的寿司餐先到，点知我哋见到平时靓靓仔仔印住「德美」嘅蛋，竟然系蛋砖切剩嘅尾尾，仲要被格硬一分为二，细到连字都印唔到！𠮶时已经觉得企喺店面整嘢食嘅厨师，连整一份新嘅蛋都懒，格硬将唔应该攞黎奉客嘅嘢摆上碟，当个客死嘅！之后什锦海鲜丼上埋，menu相有嘅连头虾刺身变咗熟虾。☹️ok其实蛋同虾都只系小事，个海胆先系戏肉。我分咗啲海胆俾朋友，点知佢试完竟然即刻要饮茶洗口！我小心翼翼试咗少少，原来个海胆嘅屎味真系灾难级，试少少都已经成口屎味！我好好奇呢啲巨量屎味海胆，究竟系边度黎，韩国？智利？定深圳大小梅沙？实在食唔落啲海胆，唯有放弃（见图）😞己所不欲，勿施于人，更莫讲话奉客。我唔信店主食得落啲海胆。今次真系中大伏。