韓樂 (海之戀商場)

营业中

休息中

之前无聊同屋企人天水围天泽个边食过韩乐既早餐，其实都算唔错。市道艰难，最近转左新工，去左荃湾个边番工。发现海之恋既地下又有间韩乐，因为要悭钱朝早平时经过都唔会食。今日番工冇拉拉劲大雨，又冇带雨伞，见走唔到，于是就入左韩乐食番个早餐。入到去好多英文同韩文字，系韩国既风格。布置令过天水围天泽个间。一入正门有一个收银处，然后左右两边有条大直路比你入去。疫情关系，店员会悉心为你探热，完成后就带你入座，座位同座位之间都好有心咁，用胶板去分隔一点五米距离，而且胶板上面重好细心咁写哂防疫字句，提醒客人时时刻刻分分秒秒都要有防疫既意识。个胶板唔会影响餐厅既风格，和而不同既效果。睇左阵餐牌，叫店员落单，见到有我中意食既温泉蛋同蕃茄汤，就叫左了。唔洗10分钟，我叫既蕃茄浓汤温泉蛋扁意粉就黎左了。浓汤上有一颗颗既蕃茄微粒，唔会熟过龙既温泉蛋，上面重有几令仔既葱花仔﹐加几条既姜丝。天气太热叫左杯冻咖啡少田少雪，味道岩岩好，听闻即磨咖啡重好好饮先呀。呢餐早餐先至36蚊，算系咁，睇下边日落大雨再黎食过早餐先，番工咁辛苦，隔唔中都要奖励一下自己先先架啫。