PizzaExpress (帝國中心)

营业中

休息中

一早去尖东海傍晨跑，跑完就去附近食个早餐。路经帝国中心，谂住食个Starbucks 当早餐，但发觉pizza express 原来出左早餐，价钱又唔系贵，当然去试一试。早餐选择都算多，有传统嘅英式早餐，仲有俾素食者选择嘅green breakfast。三文治方面可以拣鸡蛋牛油果，火腿之类。仲有迷你pizza做早餐，想食湿嘅可以拣蕃汤螺丝粉。总有一款啱你口味。跑完步唔想白跑，所以拣左个传统早餐再配个英式茶。双蛋，炒蘑菇，蕃茄巴马火腿，火箭菜，意式肉丸，呢个早餐配搭都几新款。素食早餐就将肉类换成牛油果酱，南瓜，好健康好fresh。有一个朋友唔想太heavy, 所以拣左个牛油果鸡肉三文治。鸡肉好嫩滑，配埋牛油果酱，健康得黎又唔会好dry。地方好大，坐得又舒服，慢慢食，倾下计，享受一下假日的休闲。我地约定下次一定要pizza做早餐。