咖啡灣 (已結業)

宝琳开左新餐厅，当然要试下啦。沙律。有五只虾，唔知系咪跟人头呢，我地岩岩好有五个人，一人一只唔使争。沙律略嫌细左少少，佢系用碟装，份量比用碗装既少。小食并盘，都系一样比想像中既份量少。不过炸物几好味，由其是炸鱿鱼。食果阵仲系热辣辣，好明显系岩岩炸好。我地另外再加左鸡翼，有一款系玫瑰味鸡翼，甜甜地都几有趣，同佢既玫瑰花茶既味道好相似。不过我都系钟意食咸既鸡翼，所以土匪鸡翼就好岩我。讲左咁耐主菜终于黎啦，因为我地太钟意食蕃茄，所以叫左大虾蕃茄意粉同埋鸡扒蕃茄意粉。其实佢用既蕃茄酱味道好足够，都好香，但如果再多番点点甜味就更好。依家略嫌佢冇左蕃茄既甜味。但整体黎讲，两碟意粉都系好好食。另外我地叫左两盘黑松露意粉，同头先问题一样，黑松露香味好香，但食落又冇乜黑松露既味道。但相对黎讲，佢既黑松露酱汁唔会整到好腻，令人食几啖就饱！薄荷朱古力，薄荷味同朱古力既比例岩岩好。佢仲有其他好可爱既拉花饮品，下次黎再试！