水鴨朱椰子雞 (已結業)

今晚同朋友喺大角嘴一齐去食生日饭，之前都有留意呢间食店嘅，但系一直都冇时间过去食，今晚趁有朋友生曰就过咗去试，一入去见到环境都几好，座位整齐，台与台之间，间隔都好阔，坐得好舒适 ，一坐低叫咗个招牌海南椰子文昌鸡，好快就上咗台 ，一开着个炉 阵阵椰香飘散入鼻 ，然后个侍应就会帮你冚住盖隔离摆咗一个时间钟仔 设定好晒时间就会帮你关火。然后焗一阵就可以食得，一试，啲鸡系弹牙的口感 好滑 啲椰子汤同出边普通食𠮶啲椰子鸡嘅味道系两回事，又清甜清香，立刻饮咗一碗 好正好正！啲鸡嘅肉质同普通食开𠮶啲鸡系两样野，系真嘅我唔会呃自己，然后叫咗一条油浸笋壳鱼 条鱼外皮脆得来又唔干，啲肉质又唔会鞋飒飒，跟住一个椒盐鸭舌，份量都颇多，又系出边炸得够香，入面唔会干到纸皮咁，够味好食！然之后带咗一碟手切肥牛肉 一份萝卜，一份超甜粟米，一份杂菜，三支啤酒生力 四罐可乐 一份薯粉 圆满结束的生日饭 ！侍应服务态度好好，会经常帮你清理枱面夏兰，经常主动问你需唔需要加汤 好友善