影片
更多
2022-06-24
20 浏览
家庭日总要作一定困扰的决左，大家食咩野。要合乎所有人的口味通常都是日式餐厅。屋企有人自愿做步兵。甘就辛苦哂佢走远小小，上网找到这一间外卖寿司店🍣。千之味御品。跟据步兵报道店面可以用两个字形容「干净」。一间寿司店干净对我来说极之重要❗️因为制作的是鱼生刺生等生食的。讲到外卖自取寿司的话，平时多数都系争鲜、鱼尚，今次系第一次食呢间寿司，㨂左几个set全家一齐食。一入到去店面整齐干净，但佢无提供座位，只有两张企枱，所以呢间铺头应该做外卖居多。等紧既期间望左佢个厨房一阵，半开放式，但又大又干净。有阵时出街食饭都会八卦下人地个厨房咩样，虽然唔系好知道里面格局，但我都几欣赏佢个厨房，干净阔落，成个观感好好。外卖会送埋个保温袋同冰比你，而番屋企中途买左少少野，所以around 45分钟之后先番到屋企，塞番个几盘寿司入雪柜雪一阵先再食。咁多款入面，我最钟意左口鱼同墨鱼。其实平时出街好少食左口鱼，但今日呢个左口鱼鲜甜唔油腻，连我屋企人都话好食。而墨鱼都系出乎我意料地好食，平时食街食个D会好难咬，但佢呢个爽口之余唔会咬唔烂。一片片白雪雪既鱼身配上细腻既刀纹，爽弹既口感成为我今日至爱。另外一款意想不到既系三文
甘就辛苦哂佢走远小小，上网找到这一间外卖寿司店🍣。
千之味御品。
跟据步兵报道店面可以用两个字形容「干净」。
一间寿司店干净对我来说极之重要❗️因为制作的是鱼生刺生等生食的。
讲到外卖自取寿司的话，平时多数都系争鲜、鱼尚，今次系第一次食呢间寿司，㨂左几个set全家一齐食。一入到去店面整齐干净，但佢无提供座位，只有两张企枱，所以呢间铺头应该做外卖居多。等紧既期间望左佢个厨房一阵，半开放式，但又大又干净。有阵时出街食饭都会八卦下人地个厨房咩样，虽然唔系好知道里面格局，但我都几欣赏佢个厨房，干净阔落，成个观感好好。外卖会送埋个保温袋同冰比你，而番屋企中途买左少少野，所以around 45分钟之后先番到屋企，塞番个几盘寿司入雪柜雪一阵先再食。
咁多款入面，我最钟意左口鱼同墨鱼。其实平时出街好少食左口鱼，但今日呢个左口鱼鲜甜唔油腻，连我屋企人都话好食。而墨鱼都系出乎我意料地好食，平时食街食个D会好难咬，但佢呢个爽口之余唔会咬唔烂。一片片白雪雪既鱼身配上细腻既刀纹，爽弹既口感成为我今日至爱。另外一款意想不到既系三文鱼吞拿鱼蓉反卷。佢个鱼蓉同整体寿司配合得好好，唔会有酱料盖过鱼既鲜味，亦都唔会互相抢味，同时加上青瓜葱丝入口清爽，系今日既黑马。虽然平日大家都会赞三文鱼有几好食，但咁啱今日叫既三文鱼都系炙烧或者有芝士、酱料等，我自己觉得加左酱料之后反而食唔出寿司质素，或者沙律酱自己会盖过哂所有味道，所以都系谨谨试过两口，但整体质素系好既。
Overall我都几满意呢间铺头，系绝对可以番兜以后再食or同frd 开party 既时候嗌黎食。满意佢个性价之余，质素都好OK（PS大推左口鱼，三文鱼吞拿鱼蓉反卷同墨鱼）。或者之后可以lunch再试下佢D丼饭or定食，因为个价钱都好几吸引。我住附近的话应该会成日忍唔住嗌黎食😂😂。
张贴
