漁屋日本料理 (海寶花園) (已結業)

今日入左大埔揾朋友食饭，我对大埔既路真系唔多熟，所以食乜去边呢D交晒比朋友话事。佢带左我去渔屋日本料理食晚饭，感觉都唔错㖞！ 我地Walk In，不过好好彩我地等左5-10分钟，店员就安排到座位比我地啦，不过我地之后既客人就冇咁好彩啦，入完我地之后已经满座，要等其他人食完先有位入，所以如果早就决定左黎食，不如早D打电话订座啦！ 朋友一黎就点左劲多蟹脚，我都已经叫停佢，佢话唔洗担心，包好食wor! 我最惊就系点左劲多最后食唔晒。不过一黎到，我就明点解我朋友要点咁多，因为蟹脚实在唔大，如果中意食蟹既应该唔多够喉。不过佢胜在够多蟹肉，D蟹肉好似多到爆出黎咁！平时食个D放题点会比到呢个质素我地丫～真系冇介绍错！ 跟住我地仲食左芝士焗蚝，比起炸蚝，我都系中意芝士焗蚝多D，中意芝士个种Creamy的！！！同蚝一齐整劲Match！ 雪花牛肉锅都劲有惊喜，入面D材料都几足架！仲有粉丝、菜个类，就当食D热食打定底啦！ 佢地真系几多甜品架，我就食左粉红佳人同焦糖炖蛋。 都好好食！记得留肚试埋佢地既甜品呀！