影片
更多
2018-06-29
2063 浏览
趁放假同屋企人去打边炉，今次试左元朗牛一，过左Lunch最繁忙时间，唔使等位。同妈咪口味唔夹，所以拣左混合汤底，佢就试期间限定冬荫汤，我就要芝士豚骨汤，肉就要极上美国牛肉。企左喺reception谂咗好耐，好欣赏reception职员好有耐性咁等我咃，同埋将收费讲得好仔细。入到去即刻拎个碗出去装野食，都几多配料拣，仲有和牛炒饭同埋咖喱。诚意推介佢地个咖喱汁，好香浓之余仲有和牛喺入面。虽然有白饭，但我都系钟意渌完个乌冬再加入去咖喱汁度捞埋一齐食，真系好正。去牛一梗系主要食肉啦，一开始比左4盒肉，有牛有猪，估唔到啲肉配芝士豚骨汤好夹，个汤底有芝士味，但算几light，唔会话一食就成口都系油同芝士咁肥腻。而妈咪就好钟意个冬荫汤，佢话汤底够味之余又唔会辣到食唔到，同埋啲牛都几滑，整体黎讲都好满意。下次可以再试埋澳洲牛，希望个质素都唔错啦。野饮就有盒装饮品、罐装啤酒，另外有部汽水机喺度，touch screen嘅，揿个mon拣野饮，除左有普通嘅可乐、芬达、雪碧之外，连水动乐都有﹗而且仲有唔同口味拣，Tonic water可乐都有，之前都冇见过呢部汽水机，几新鲜几好玩。最后食埋雪糕，虽然同场有紫薯
入到去即刻拎个碗出去装野食，都几多配料拣，仲有和牛炒饭同埋咖喱。诚意推介佢地个咖喱汁，好香浓之余仲有和牛喺入面。虽然有白饭，但我都系钟意渌完个乌冬再加入去咖喱汁度捞埋一齐食，真系好正。
去牛一梗系主要食肉啦，一开始比左4盒肉，有牛有猪，估唔到啲肉配芝士豚骨汤好夹，个汤底有芝士味，但算几light，唔会话一食就成口都系油同芝士咁肥腻。而妈咪就好钟意个冬荫汤，佢话汤底够味之余又唔会辣到食唔到，同埋啲牛都几滑，整体黎讲都好满意。下次可以再试埋澳洲牛，希望个质素都唔错啦。
野饮就有盒装饮品、罐装啤酒，另外有部汽水机喺度，touch screen嘅，揿个mon拣野饮，除左有普通嘅可乐、芬达、雪碧之外，连水动乐都有﹗而且仲有唔同口味拣，Tonic water可乐都有，之前都冇见过呢部汽水机，几新鲜几好玩。
最后食埋雪糕，虽然同场有紫薯雪糕同frozen yogurt，但都系拣左云呢拿味雪糕，再加啲朱古力酱喺上面，食埋甜品成个Lunch就perfect晒。
张贴
