The Butchers Club Grille (已結業)

今日有事要去港岛东做嘢，梗系约朋友食饭，朋友同我讲鲗鱼涌有间西式扒房值得一试。我哋7点到餐厅，已经坐满一半人，自己一直好怕去西式扒房系因为大多数英文menu同外国人侍应，好在依呢度中英文落单都可以，咁就唔怕尴尬。头盘点咗「招牌蟹饼」同「牛油果凯撒沙律」，特别想讲蟹饼，蟹肉鲜嫩多汁，配上香浓嘅鸡蛋同埋香草，成个蟹饼好好味，怪不得叫上招牌菜。主菜点咗「澳洲M3和牛西冷牛扒」同「香烤鲈鱼」，牛扒肉味较浓，肉质有弹性，脂肪较肉眼少，食得出烤时落咗少少盐，呢个煮法好聪明，咁就可以带出原肉味，唔驶落酱汁都得，真系无嚟错。自己唔太钟意食鱼，朋友话点都要试少少，出奇地鱼肉无腥味，连埋鱼皮一齐食，真系好耐无食过咁好味嘅鱼。甜品点咗「朱古力心太软蛋糕」，用匙羹喺蛋糕外层上划一吓，暖暖半液态状朱古力就从中心一泻而出，画面好靓兼好味。全晚侍应都会问我哋对食物满唔满意，而家极少餐厅会问客人意见，呢一点值得一赞。总结今晚食得好开心，下次嚟自己要一份牛扒，唔share食啦😂。