餃掂手工餃子雲吞專門店

次次湾仔lunch揾食都见到呢间野排长龙，呢日夜晚决定去试试。时间尚早，入坐时唔使排队，但已经坐满人，到我地食完嘅时候已经要排队喇。好欣赏一坐底就有一樽腌萝卜食，少少辣同酸好开胃。我地仲叫左一樽热山楂雪梨水，姐姐话系自家制原个雪梨煲嘅，较为偏甜，真系好滑好润。煎至尊松茸猪肉饺虽然相对黎讲较贵，但系招牌菜点都要试吓。煎左一面唔会太㶶好香口，猪肉入面会食到一粒粒松茸带出少少香味，仲有2个酱试多2种口味，但个人觉得唔点酱都好食。仲跟左个状元九鼎汤，清清地有妈妈嘅味道，可以清下煎饺嘅油腻，饮到最后加少少盐更加带到少少鱼味。龙凤松茸灼饺有分黑白松露，猪肉松露系夹嘅，黑松露比较香，灼又比煎更入味。汤元贝猪肉饺虽然唔系招牌但一样好味，元贝好香，比松茸饺浓味。为左满足嗜辣既朋友仔而叫嘅重庆鲜肉云呑，比饺子细粒容易入口，云吞皮好滑，朋友表示小辣唔够应该要大辣。原来除咗饺子仲有其他小食，我哋要晒两款皮蛋黎试。黄金原味皮蛋，个黄好流心好靓，出面少有比较特别，但我都系觉得传统嘅麻辣松花皮蛋好食。食得出佢地嘅嘢原汁原味，冇味精，下次想食清淡d黎呢到就岩晒！