影片
更多
2014-07-19
1626 浏览
其实一直有听人提起呢间下一站甜品，睇杂志都有介绍但我好少会自己去食甜品，店舖搬去旺角唔近地铁站，对我呢个懒鬼更是越离越远了因此一直只有睇相听讲的份，想试又冇人一齐:^(先前同吃货朋友讲起我冇去过黑布街揾食佢马上惊讶样话要带我去好啦，今次有人陪终于可以一尝听讲系几位由Renaissance万丽海景酒店既甜厨合资开既如果有睇过我之前食评既朋友们大概都知我真心几中意呢间酒店既甜品老实讲我对佢地既质素都会有d信心（起码知道个底一定唔会系好差唔会中大伏所以可能兴奋得滞会打太多请见谅XDDDDDD环境其实不错，感觉阔落唔使背贴背重点系佢够光睇得清又可以唔用闪光灯……我有d洁癖，讲真会担心甜品舖痴笠笠好污糟咁但呢度既卫生情况不错，至少可以安心食唔系坐立不安赶住走（Y）栗香紫薯山系Instagram不时见有人post既比起山，我觉得更似火车XDDD栗蓉落左两层，唔使讲真系好大方，呢点已经令我地未试先有好感幼滑可口，甜度不高，占量多到咁都系唔会觉得甜腻食落会好清楚感受到天然既栗子香味，唔系靠香精香油中间系云尼拿雪糕，香甜奶滑，都系果句味道自然然后就系紫薯蓉啦！！！！！未食呢部分之前，我已经试左佢用黎装饰
但我好少会自己去食甜品，店舖搬去旺角唔近地铁站，对我呢个懒鬼更是越离越远了
因此一直只有睇相听讲的份，想试又冇人一齐:^(
先前同吃货朋友讲起我冇去过黑布街揾食
佢马上惊讶样话要带我去
好啦，今次有人陪终于可以一尝
听讲系几位由Renaissance万丽海景酒店既甜厨合资开既如果有睇过我之前食评既朋友们
大概都知我真心几中意呢间酒店既甜品
老实讲我对佢地既质素都会有d信心（起码知道个底一定唔会系好差唔会中大伏
所以可能兴奋得滞会打太多请见谅XDDDDDD
环境其实不错，感觉阔落唔使背贴背重点系佢够光睇得清又可以唔用闪光灯……
我有d洁癖，讲真会担心甜品舖痴笠笠好污糟咁
但呢度既卫生情况不错，至少可以安心食唔系坐立不安赶住走（Y）
栗香紫薯山系Instagram不时见有人post既
比起山，我觉得更似火车XDDD
栗蓉落左两层，唔使讲真系好大方，呢点已经令我地未试先有好感
幼滑可口，甜度不高，占量多到咁都系唔会觉得甜腻
食落会好清楚感受到天然既栗子香味，唔系靠香精香油
中间系云尼拿雪糕，香甜奶滑，都系果句味道自然
然后就系紫薯蓉啦！！！！！
未食呢部分之前，我已经试左佢用黎装饰既紫薯蓉
香气非常清新，即时系谂起平时我婆婆系街市买番黎既紫薯
甜度当然不会太高，绵密香软，食系食佢原味
本身好惊底部既蛋白饼会太甜
但佢只系微甜，仲要好酥脆好香口
同之前一直食既薯蓉栗蓉雪糕既软滑感有d对比
脆糖片甜味不重又够自然
应该系用番石榴糖浆制成（因为见佢饮品都系落Grenadine Syrup
不过朋友就话唔系好中意，觉得个样唔系好靓:^0
暖拖肥泡沫呢个系店方推介既
（朋友食过呢间想试新款，但我地决定唔到唯有问啦XDD
拖肥泡沫十分细滑绵密，唔会有大气泡
拖肥味重，但因为唔系平时黏牙既感觉，甜得黎唔会腻
我地用佢黎点面头插住果块杏仁脆饼食
薄脆香口既脆饼配上绵密丰厚既泡沫，很大对比，却是无比相配
中间既特浓咖啡啫喱咖啡香味甚浓
可惜佢既质感唔似啫喱般爽口，反而带点黏性胶质感
即使啫喱带点苦香而非甜味，但食落都好易会觉得腻
底层既系Bailey's奶冻
酒味香醇，甜而不呛，奶冻香滑不腻
同朋友不约而同认为难得找到了没有腻感的奶冻
其实佢仲有香蕉片，香甜清新，总觉得有点解腻了
云尼拿雪糕就不另提了，甜度稍高
但因其他部分唔太甜，整体唔会过度甜腻
栗子拿破仑朋友话一般食开得芒果拿破仑，想试栗子特别d
一上枱睇个份量都几大，真系可以两个人一齐轻尝
朋友影相又系影十年咁，我真系影完坐系到用手机上网等佢
之前讲过佢用料不手软，呢道甜品都系，栗蓉多过出面见到既成倍有多，有相有真相
栗蓉湿润香滑，自然容易渗湿气入去酥皮度，我地都有心理准备
点知搞左咁耐，一切，「咔嚓！」
即刻惊艳样，佢仲系保持到好酥脆
栗蓉都系果句味道自然顺口，唔会一味死甜
酥皮带淡淡牛油香，感觉亳不油腻，放左咁耐仲咁酥香薄脆，怎能不给它拍拍手？
一旁既金宝饼碎甜而不腻，算松脆，但我谂只系装饰，同主体冇咩联系……
另外就系面头既装饰有点怪怪的
讲真蛋白饼都食得过既，但无啦啦加蛋白饼又加脆糖片
无论系味道定卖相，个感觉同主体真系唔多衬
Less is More
只系加块朱古力片，可能写埋店名定点其实已经够哂数，唔使搞咁多野
Banana Smoothie我地冇预过系咁大杯:^0
认真呢d都好难失手
我亦都冇咩可以评，只系话佢既味道几清新自然，唔系好甜，饮落唔会腻啰
Red LightIt's a red light light...（唔好咁
呢杯系草莓汁、橙汁、菠萝汁、青柠汁加番石榴糖浆而成的
甜中带酸，饮到有果肉既，仲好有果香，个人认为几开胃既
朋友试过就话d味有少少假有d人工咁，可能系因为d糖浆:^|
当日系平日下午，但都有不少客人到访
睇Instagram都成日有人打卡咁，应该都几旺场架
好彩果日有位有时间俾我地可以hea下吹下水
（重点系俾时间个朋友影相……佢真系可以影到永远，＿＿。）
我地搞咁耐都冇店员白眼，有咩要求都好肯帮手
服务方面已经是合格的
走出店舖，热气即时涌上黎包围全身
唉无计夏天系咁
沿路见到好多食店都好想试，系咁催促朋友约饭局XDDD
以后去旺角真系要唔嫌远去下黑布街果头觅食先:^0
张贴
