影片
更多
2018-06-14
88 浏览
今日行行下街落起雨来，急急脚就走左入去皇室堡避雨，横惦开始有啲肚饿咁就顺便睇下有咩好野食啦，行行下比呢个menu 吸引住就入左去试下。呢到既装饰好raw,主要都系玻璃，原木同埋金属，我屋企都想要咁既设计。睇番餐牌呢度都好多野想食，要比啲时间谂一谂，最后拣左个法式芝士洋葱汤，脆皮肠肉酱大啡菇披萨 1人前，鲑鱼菠菜忌廉意粉，经典3式拼盘，抹茶沙冰同埋草莓桃沙冰。洋葱汤上面加上芝士同法包做法正宗味道唔错，暖一暖我既肚仔刚刚好。拼盘上面既三文鱼包住芝士同小黄瓜条，风味独特，放落一只匙羹上刚好是一口既份量，岩晒我呢啲lady食,薯角炸到外脆内软而唔似系出面食个啲咁淋，炸鸡香脆，另附有柠檬用来加上炸鸡减低油腻度，我见到枱上仲有一支写著'魔粉之Holic powder' 既粉瓶，见咁得意就加落啲炸鸡到一齐食，少少辣仲有啲脆脆咁令到炸鸡口感同味道升华左。披萨味道好浓郁，食到啖啖既肉酱，饼皮亦唔会焗到干真真，贴心地有得拣一人份定二人份，适合我地呢啲想试下又唔想叫得多既人。意粉煮得弹口劲入味，食到劲香浓既芝士同蒜香，三文鱼每面都有煎香，唔似出面个啲同意粉一齐煮令到三文鱼熟过头，宜家仲食到三文鱼既鲜味真系值
呢到既装饰好raw,主要都系玻璃，原木同埋金属，我屋企都想要咁既设计。
睇番餐牌呢度都好多野想食，要比啲时间谂一谂，最后拣左个法式芝士洋葱汤，脆皮肠肉酱大啡菇披萨 1人前，鲑鱼菠菜忌廉意粉，经典3式拼盘，抹茶沙冰同埋草莓桃沙冰。
洋葱汤上面加上芝士同法包做法正宗味道唔错，暖一暖我既肚仔刚刚好。
拼盘上面既三文鱼包住芝士同小黄瓜条，风味独特，放落一只匙羹上刚好是一口既份量，岩晒我呢啲lady食,薯角炸到外脆内软而唔似系出面食个啲咁淋，炸鸡香脆，另附有柠檬用来加上炸鸡减低油腻度，我见到枱上仲有一支写著'魔粉之Holic powder' 既粉瓶，见咁得意就加落啲炸鸡到一齐食，少少辣仲有啲脆脆咁令到炸鸡口感同味道升华左。
披萨味道好浓郁，食到啖啖既肉酱，饼皮亦唔会焗到干真真，贴心地有得拣一人份定二人份，适合我地呢啲想试下又唔想叫得多既人。
意粉煮得弹口劲入味，食到劲香浓既芝士同蒜香，三文鱼每面都有煎香，唔似出面个啲同意粉一齐煮令到三文鱼熟过头，宜家仲食到三文鱼既鲜味真系值得一赞。
抹茶特饮饮到劲浓既抹茶味，一下就比我饮晒，士多啤梨桃特饮会饮得出用左好多士多啤梨唔似有加水，每一啖饮到最后都会有阵淡淡既桃香。
张贴
