喵一下 (已搬遷) 新店位置

今晚同妈咪去食台湾菜，估唔到呢间环境装修咁雅致嘅怀旧文青咖啡店竟然有咁认真嘅菜式㖞😋。今日下午开始冻，所以我地先点一个台式火锅，配上花旗参桂圆杞子红枣茶， 两款都系冬天先有嘅季节限定。火锅汤底系甜甜嘅寿喜烧锅，再配上几款配料，店家话都系从台湾运过嚟嘅， 保证百份百正宗台味。我最钟意佢地嘅饺子，饺子皮好烟韧，肉馅味道又够浓郁。另外我地仲叫左个套餐，系店长极力推介嘅。四道菜包括前菜、汤品、主菜同埋一份主食。本来应该仲有甜品嘅， 不过我地想食完先再决定食咩甜品。😊套餐嘅主菜系乌龙茶熏鸡，微焦嘅鸡皮有好香炭烧味，加上淡淡嘅茶香味，鸡肉都仲好嫩滑。菜三小碟系台式渍物，酸酸甜甜好开胃。汤品系苦瓜凤梨鸡汤，好香甜。最后仲有个麻酱面，麻酱好香， 面质烟烟韧韧。不过食完都几饱， 我地结果食唔到甜品了😅。P. S 听讲佢地嚟紧都会用呢个熏鸡做圣诞大餐。会有早鸟优惠添噃，23号前订座都有discount。