潮州仔食堂 (已結業)

喺尖沙咀搭车去荃湾，落车大雨到对鞋阵亡左。淋左雨谂下食咩驱寒。突然谂起呢一间舖头，第一次嚟食心大心细，样样野都想试。就嗌咗个猪什米线胡椒汤底，另外嗌多个牛肉肠粉。汤头胡椒味有，但唔算重，如果可以再辣啲就好啦。不过我见佢枱面都有另外白胡椒可以自行加，不过都系感觉滚过嘅胡椒先会出味。猪杂嘅份量都多，但系米线份量就比较少，张相𠮶个系未食任何米线，都净系可以夹到三小注。牛肉肠都蒸得几滑唔会过老，啲滑口水都好好味，但系如果系牛肉片就更加开心啦。个辣椒油好桂林feel~都正。唯一希望佢米线嘅份量多返少少，咁就完美啦。