新麻蒲 BBQ (波斯富街) (已結業)

铜锣湾美食云集，有贵有平，任君选择。我就㨂啲价钱亲民啲。新蒲麻BBQ，晚市提供烧肉，而中午既Lunch有韩餐食，有饭有面。餐厅既私隐度好高，每个位高高坐背，同其他枱客人分格，倾计都倾得畅快啲，唔洗就住就住，怕比人听到。仲有播住韩文歌，够晒chill。至于食物方面，我黎到系下午茶时段，但都仲有抵食Lunch Set供应，但有Happy Hour野食。食得韩国菜，有前菜是常识吧。呢到既前菜有五款，而且份量大方。上菜前，揾野浪一浪肚，或者咬下都几好。我点咗🐙章鱼石锅饭，仲送碗海带汤，同饮品。石锅饭上面铺上满满既料，菠菜、萝卜丝、菇、芽菜、翠玉瓜、洋葱，啖啖都唔会味道，好正。中间仲有个流心蛋，用嚟捞饭，简直一流。而个辣章鱼，个辣酱辣得嚟带有少少甜味，好过瘾！而友人则点咗鲍鱼人参鸡汤。个汤唔系好稀果只，而系入口带有稠稠张口感觉，应该侜啲糯米溶咗入汤所致，好特别。粒鲍鱼仔放系面上，真系超级吸睛！只鸡份量好多，两个人食都唔过份。而只鸡入面有糯米饭，仲有粒粟子，食完超饱肚！走前，仲见到店家外面贴咗张poster。话落雨黎有野食送！大家下次下雨天，行经铜锣湾，不妨走入黎试下！