Next Station Dessert (已結業)

呢日去旺角买完嘢，得自己一个，闷闷地见口痕，即刻search下附近有咩糖水舖，揾到呢间「Next Station」，睇来几受欢迎，一于试下。环境几唔错，用屏风分开两边，喜欢望街可以坐近门口，想静静品尝美食谈心嘅话可以入去坐。我点了餐厅的人气item——绿茶心太软配野莓乳酪雪糕（$58）。心太软即制，等了大约20分钟。卖相同menu相有啲出入……不过味道搭救。野莓乳酪雪糕酸酸地又有野莓粒，好清新，而且雪得够硬。心太软嘅绿茶味好香浓，茶味甜味平均，加上暖笠笠嘅红豆蓉系绝配！入面个流心「杰杰」地，唔会一切开就流走哂。将雪糕连埋心太软一齐放入口，一冻一热、一软一硬，又系一种美味食法！