醬家 (已結業)

话说有日做嘢经开油麻地旺角，咁啱个客又迟到，知道附近有间新拉面店，摘日不如撞日，索性边试菜边打发时间。门面持意打造成日式食店咁，查实有啲'娘'，店内电视播放日本饮食节目，可惜装潢没半点东洋风。从筷子嘅摆放就睇到店内冇日本人提点，对日本餐具摆放没甚研究。招牌蕃茄辣虾拉面 - 好大只碗，只虾都唔弱，比芳间嘅的确大很多，仲剥埋壳，啖啖肉。虾肉爽脆，发出微微牛油香，虾头满膏，实属佳品(以面食配料比较)。汤面面洒上芝士粉增添味道层次，蕃茄汤香浓，酸甜恰当，黏稠挂面。败笔于面，面稔系大忌，连拣硬面都冇得拣就更加要检讨。将碗面嘅汤，𩠌分开，独立评分，的确惊喜，在成本上涨嘅情况下，依然落料十足，值得表扬。可惜面质欠佳，而且味道组合起来完全感受唔到食紧日式拉面。呢碗算系一碗不错嘅拉面，只不过唔系日式啫。