羲和雅苑

营业中

休息中

好似好耐都冇食片皮鸭，咁啱同朋友倾开佢就提意，尖沙咀既羲和雅苑好唔错，仲可以有海景睇，系夜晚食饭一大享受，所以今晚就决定黎食下。呢度环境真系好唔错，环境靓，服务又好，今晚仲睇埋幻彩咏香江，好开心。预先我地就叫左半只片皮鸭先，其他野都可以慢慢睇。佢既鸭竟然仲有食法教学。 师傅分左3个部分切，有只系脆皮，可以就咁食，有少少连肉既，可以用薄皮包住配芥未酱，之后系肉多既部分就可以再加多啲配料，仲有爆炸糖㖭，真系好新奇。而且佢既鸭都好皮脆肉嫩，同以前食既又真系几唔同，好食。跟住又叫左几个特色菜，酥皮酸辣汤，芥未沙律虾球，北京丸子，都真系几新奇几意外，好值得试。仲有摆盘好靓既蒜茸粉丝蒸娃娃菜，同传统既小笼包。而最后亮点系彩虹汤圆配姜茶同椰香芋圆紫米露。 看似普通，但又真系好特别。 2款甜品都好香，份量又刚刚好，食完成餐都圆满晒。